Para rematar esta III Edición do Festival Alternativo Millo Verde, o vindeiro 26 de xunho, a partir das 19hs, terá lugar en Redondela a actuación de "Peche de Festival", a cargo da murga "OS QUINTELAS".

Esta actuación estaba prevista no programa do festival, pero debido ás chuvias acontecidas o domingo 7, tivemos que posponher o concerto, e por fin atopamos unha data: o vindeiro venres 26 de xunho.

A actuación comezará ás 19hs, por toda a vila de Redondela, onde Os Quintelas percorrerán as rúas coa súa música, como agradecemento a tódolos colaboradores deste III Festival Millo Verde.

Despois, xa na noitinha, ás 22:30hs, dará comezo un concerto na Casa da Torre, onde vellos e novos poderán amosar as súas cualidades de baile grazas ás músicas de sempre.

Debido á posibilidade de choiva para esta vindeira fin de semana, actualizamos os emprazamentos das actividades, tal e como se amosa na seguinte imaxe.

Aínda así, insistimos en que TÓDOLOS ESPECTÁCULOS, incluidos os concertos, SERÁN CUBERTOS!!!

O pasado xoves 28, tivo lugar unha emisión especial do programa que dirixe Xurxo Souto, dende a Radio Galega: Aberto por Reformas.

A continuación, o link cun resumo da entrevista:

ENTREVISTA RADIO GALEGA

O programa comezou pasados uns minutos das 19hs, e cunha presenza masiva de xente, expectante de escoitar as novidades que se ían a dar a conhecer en torno ao III Festival Alternativo Millo Verde.

Abriron o programa, non obstante, a charanga "Os Quintelas". Cabe lembrar que esta murga naceu hai máis de 50 anos, e que facía uns 20 anos que levaban inactivos. Este ano 2009, a Asociación Millo Verde logrou convencer a estes artistas que voltasen a subir aos escenarios, e ahí os teremos, o vindeiro domingo 7 de xunho, como peche de festival.

A continuación, o companheiro Manu-Picota foi o encargado de darnos a conhecer qué é a Disco-Tasca, ese novo concepto de bar onde tenhen cabida todo tipo de culturas, idades e personalidades!. Minutos máis tarde, continuaron a entrevista cun breve resumo da programación do Festival Millo Verde, que non hai que esquecer, se levará a cabo a vindeira fin de semana  na nosa vila (5, 6 e 7 de xunho).

Recalcáronse novamente a multitude de actividades que haberá: Jam Graffiti, micro aberto, postos divulgativos, mercado de troco, xantar popular, xogos para nen*s, xogos populares, pasarrúas, actuacións de rúa... e sen esquecer en ningún momento os principios que se mantenhen dende o ano do arranque do Festival: entrada e acampada de balde, e respeto polo entorno!.

A continuación, unha das nosas artistas internacionais, Olga Nogueira deu a conhecer as novidades musicais do entorno redondelán. Resumiu tamén a iniciativa de intercambio cultural entre Galiza e Catalunya, a Foliada,  que se levará a cabo os vindeiros  días 11, 12 e 13 de setembro. Nesta nova edición, vilas de toda Galiza (Boiro, Riveira, Cerceda, Burela), e vecinh*s de Catalunya visitarán a vila de Redondela para converter a vila dos Viaductos nun entorno de intercambio cultural e social.

Posteriormente, Olga deu paso ao grupo "Os Croquetas", que nos amenizaron cuns minutos da súa música folqui-punqui:  música folqui-punqui!.

Rematados estes intres de música desternillante, comezaba a entrevista ao polifacético Toti, quen nos explicou, entre outras cousas: a historia do LIXO ROCK (nacido hai uns quince anos cos problemas dos verquidos de lixo producidos na marisma de Redondela, diversas personas e colectivos (sobre todo o extinto Josefá) xuntáronse para amosar o seu rexeitamento a estos verquidos, a modo de poesía, esculturas de lixo, e unha jam-session onde subía a tocar quén quixera. Pasados uns anos, Toti e Pedro Vilas colleron o mando do lixo rock, ata o día de hoxe, e cada vez máis consolidado como festival musical de Redondela); A Danza das Penlas e as Espadas, na Festa da Coca (trátase da danza tradicional por excelencia en Redondela, e segundo conta a lenda: "Na enseada de San Simón habitaba un dragón que raptaba as doncelas de Redondela. Os marinheiros, enfurecidos, enfrontáronse ao mesmo, e venceron!. Trouxeron a Coca (dragón) á vila, e danzaron en torno a el, tanto os marinheiros coas súas espadas, coma as meninhas da vila, montadas sobre as nais ("burras")"

A continuación, tivemos como actuación estelar, o novo gaiteiro da citada Danza das Penlas e as Espadas, "Vento" (o gaiteiro de San Martinho de Ventosela), acompanhado, entre outros do Tamborileiro Pereira (dono da taberna "Eicho de dar queridinha"); que tocaron un pequeno tema da Danza.

Pasados uns minutos, Os Quintelas ofreceron unha nova canción do seu repertorio, neste caso, unha jota!. Unha vez rematada a canción, Xurxo Souto entrevistou aos componhentes da murga, que deron a conhecer a historia da banda, e anécdotas varias. E preparando o final do programa, tocaron o conhecido tema "La casita de papel".

Pero antes de rematar, unha última entrevista, ao grupo de hip-hop  Os trasnos de Moscoso, que xa estivera na I Edición do Festival MILLO VERDE.

Como fin de programa, en primeiro lugar cantouse o himno máis conhecida en Redondela, a canción de Xan Carallás (Xan Carallás). Rematada a canción, pechouse o programa cun último tema de Os Quintelas!.

Fin da emisión!, dunha tarde de festa, de alegría, e de... Radio-Transportación ao "PLANETA REDONDELA"!!!!

Co fin de espallar o Festival  Millo Verde a tódolos puntos da vila de Redondela e ameniza-la festa, actuará o pasarrúas Os Veraneantes. A súa música sonará en diversas prazas e rúas da vila.

Os veraneantes naceron un dia facendo unha ruta por bares-tenda no baixo minho e paradanta, un ghicho mirounos nun bar e dixo que tinhan que ir ás festas do seu pobo. Meses despois recibiron a chamada do tipo. A primeira actuacion foi nas festas de Barcia,  no concello de Melon(Ourense).

A partir desta festa que foi un auténtico éxito; os Veraneantes prodigaranse por diversas festas e Festivais coma o Repercusión en Allariz, A Gresca, o Rebumbio, Festival da Poesía do Condado, etc.

View MV09: OS VERANEANTES in a larger map

Ás 20hs, na praza da alfóndiga, este redondelán presenta o espectáculo "O progreso imparábel da estupidez". A través dunha historia narrada como un contacontos, o artista amosa o historia do Mestre Batuta no seu "progreso imparábel da estupidez", nun tono crítico, e con pequenas mostras musicais.

Ubicación:

View MV09: Ilbre e o mestre batuta in a larger map

A III Edición do Festival Alternativo MILLO VERDE arranca no entorno da alameda de redondela cunha JAM GRAFFITI. Trátase dunha exposición de arte gráfica urbana ("graffiti), na que convidaremos a diversos artistas do spray para que mostren en directo as  suas creacións. Asímesmo, e paralela a esta obra artística, poremos no palco da música un espazo de micro aberto, para todo aquel que queira expresar a súa música.

View MV09: JAM GRAFFITI in a larger map

O programa que dirixe Xurxo Souto na Radio Galega emitirá en directo este xoves 28, de 19:00 a 20:00h desde Redondela.
Un novo local recentemente inaugurado na vila, a Disco-Tasca, un novo concepto de bar, a medio camiño entre o local social, a tasca tradicional e unha disco con capacidade para acoller concertos, é a desculpa que atrae a Souto.
A actividade musical da vila, da que dará fé proximamente a 3ª edición do Festival Millo Verde (venres 5, sábado 6 e domingo 7 de xuño), é o eixo central deste desplegue.
O programa terá como convidados estrela “Os Quintelas”, unha murga que fixo bailar a varias xeracións e que volven, na súa xubilación, con máis forza ca nunca. Os Croquetas, fieis seguidores do folqui-punki serán o grupo revelación que faga o segundo pase. Xunto a eles toda unha serie de artistas de onte e de hoxe, de artesáns e de tradicións ancestrais coma a dos maios ou a danza de espadas que volverá soar nun par de semanas nas Festas da Coca.
O programa fecharase cunha escolma de temas do panarona rockeiro da vila.

A non perder mañán xoves de 7 a 8 na Radio Galega.

Outro ano máis, e xa nesta III Edición, queremos novamente recalcar que tódalas actuacións serán de balde.
Do mesmo xeito, poderedes disfrutar de xeito totalmente gratuito dunha zona de acampada acondicionada e preto da zona de festival.

Amosamos o mapa destas ubicacións!:

View MILLO VERDE 2009: Zona Acampada / Festival in a larger map

Como preludio a unha das actividades do III Festival Alternativo Millo Verde (Mercadinho de Troco) que se desenvolverá o sábado 6 de xunho no entorno da alameda, este vindeiro venres 29, ás 20hs,  o Colectivo Foliada Redondela 09 dará unha charla no Multiusos da Xunqueira (Aula 12), que ten como título "O troco como alternativa de consumo", e na que falarán desta alternativa de mercado:

• Mercedes Collazo e Duli Soto (membras do 'Banco do Tempo da Federación Vecinhal "Eduardo Chao"')
• María López Álvarez (coordinadora de Verdegaia en Compostela).

Acudide!!!

Considerado un dos grupos revelación do ano 2008 en Galicia, Black Bum combina na súa musica diferentes influencias de música negra: samba, funk, jazz, reggae, electrónica... A historia empezou en 2005 a partir das primeiras reunións e jams de samba no Bamba café da Corunha (Plz. Millan Astray). O grupo foise conformando coa chegada de novos músicos provenientes de distintos universos musicais e con diferentes experiencias no mundo da música. O salto definitivo ao escenario galego realizouse ao ganhar o concurso dun dos festivais do reggae máis importantes do pais: o Foundation Reggae Festival. A partir de ahi comezáronse  a suceder actuacións por toda a provincia e fóra de Galicia. Ganhando diversos concursos como o organizado pola prestixiosa axencia nacional RLM para Dyc (dycrectos) en 2006, celebrada en Xixón, quedando segundos no da radio CUAC FM, e con multitude de exito en todas as súas actuacións. Logo dun ano tocando e escribindo novos temas, a formación do grupo se reestructurou e comezou unha nova etapa, introducindo novas influencias, novas tendencias e evolucionando en todos os seus sentidos. No ano 2008 o grupo atopábase en fase de grabación da súa segunda demo e está comezando a ser requerido nos mellores eventos e locais da xeografía galega. A verdade é que isto non sorprende pois o son de BlackBum sorprende, invita a bailar e deixa bo sabor de boca alá onde se presenta, facendo que xentes de todas as idades, condicións e gustos gocen do seu carácter e singularidade no directo.

máis info: http://www.myspace.com/blackbum

Sacha na Horta é un grupo de mulheres que naceu unha noite de festa entre as hortas de Compostela. Embriagadas pola música e polo álcool deciden provar os efeitos fertilizantes do licor café e das melhores sementes agromarom os repolos mais extraordinários que deu a terra. Como a noite é moi longa apresentarom-se ao A Polo Ghit 2007 e, como a vida é sorprendente, ...ganharon. Volta a colher o sacho! Estréanse en xaneiro de 2008 no Centro Social A Gentalha do Pichel de Compostela. O seguinte concerto será en "A Habana". A partir de aí, sempre baixando o lombo sen deixar de bailar, o “agropunk mestiço” das sachadoras nom deixará de soar porque...SE AS MULHERES PARAn, O MUNDO PARA!!

máis info: http://www.myspace.com/sachanahorta

CHE SUDAKA fórmase oficialmente o 15 de marzo 2002. A banda comezou nun principio como a continuación da banda marplatense CORRECAMINOS, da cal formaban parte LEO e LUCKY.
Logo de aparecer no compilado "LA COLIFATA" (2002) coa canción "SIN PAPELES" a banda que naqueles tempos xa tocaba a diario en trens de proximidade e terrazas grava durante 2001 e ata 2003 o seu primeiro álbum "TRIPI TOWN" (2003) con músicos do barrio, sen unha formación estable. A música vai desde o cuarteto ata o ragga e desde o dub ata o hip hop. En outubro 2002 entran á banda KACHA e MARCELO. Nesa época conhecen aos RADIOCHANGO que colaboraron na saída e difusión do álbum como así tamén en xira 2003 que pasou por ESPANHA, BÉLXICA, ITALIA, e FRANCIA.
En outubro 2003, a banda comeza a traballar con GAMBEAT (RADIO BEMBA, FRENCH LOVERS) como productor tanto do directo como do segundo álbum "ALERTA BIHOTZA!!!" (2005). Este álbum significou un antes e un despois na historia da banda xa que necesito a disciplina dun traballo de case 8 horas diarias durante un ano e medio. Tamén foi o momento do ingreso de SERGIO e JOTA á banda. O resultado foi un cóctel explosivo de cancións reggae, ska, punkies, hip-hop, e tamén acústicas cantadas en 7 idiomas (espanhol,frances,italiano,portugués,arabe,euskera e ingles).
Foi tamén nesta etapa que a banda comezou a facer xiras por Europa de xeito continuo. En 2005 fíxose a primeira xira por Alemania con 19 concertos en 21 días. Logo desta xira,LUCKY deixa a banda. en febreiro 2006 entra á banda o ultimo integrante,CORDOBA.  A partir dese momento, a banda ponse a tocar coa filosofía de sempre: en acústico, en eléctrico, na rúa, en festivales para 50.000 persoas,dá igual...a meta é tocar e seguir adiante. Nos días sen concertos, que foron poucos, a banda entro ao estudo a gravar o set acústico callejero que sempre a acompanhou e que ata ese momento non saíra á luz.
En tres días graváronse as bases. Ademais, a banda produciu artísticamente o compilado "A PERLOCA" (2006), compilado de bandas galegas. O ano 2006 se cerro con 120 concertos por toda Europa. Xira de outubro por Alemania, Austria, e Holanda foi mais grande que a do ano anterior: 32 concertos en 40 días, pero, coma se isto fose pouco a banda decide en xaneiro 2007 cumprir un dos sonhos que motivaron a formación da banda: facer unha xira por Arxentina. Percorréronse 7000 quilómetros en 25 días. Fixéronse 17 concertos. Foi bo para o espírito da banda.
Ao regreso a Europa, a banda deu os últimos toques ao disco acústico, "MIRANDO EL MUNDO AL REVES" (2007), que ademais saíu acompanhado cun DVD documental realizado por MARTA PUJOL. O disco conta coas colaboracións de AMPARO SÁNCHEZ (AMPARANOIA), KARAMELO SANTO, UN KUARTITO, SELECTOR MATANZAS, e moitos amigos mais. Este disco grábase en acústico en sinal de protesta á prohibición da música de rúa en Barcelona. A xira de presentación é extensa.O ano 2007 péchase con 140 concertos que abarcan España, Francia, Suiza, Bélgica, Holanda, Austria, Alemania, Republica Checa, Hungria e Arxentina.
Nos intres libres, e coa colaboración de PABLO BONAT e RADIOCHANGO.COM, a banda produce artísticamente o compilado benéfico "ESPERANSAHARAUI" (2007), compilación a beneficio do POBO SAHARAUI que conta coa colaboración dunha veintena de bandas. O ano 2008 foi un ano moi importante para a banda. En xaneiro foron invitados á presentación do documental da televisión sueca "PAPAS KAPPSÄCK" onde aparecen xunto a varias bandas de Barcelona. A minigira inclúe concertos en GOTEBORG, STOCKHOLM, e MALMOE. Nos tres concertos participa como invitado DANIEL "PAPA DEE", o protagonista principal do documental.
Á volta, en marzo, a banda vaise a Madrid a presentar o ESPERANSAHARAUI na sala taboo. Gran festa e gran paso para o proxecto saharaui. A banda dá outro gran paso en 2008 coa incorporación de MARKUS "ROGUE" ROGOZINSKY como manager. En mayo comeza a xira de verán que dura ata outubro. A xira inclúe concertos en Alemania, Dinamarca, Holanda, Austria, Espanha, Bélgica, Francia, Suecia, e Suiza
A banda toca en festivales como INTERPUEBLOS, ZAIDIN, KONTAKORRIENTE, SOL MESTIZO, FUSION FESTIVAL, ULKURT, MALMOE, KULTURFESTIVAL , SZIGET, LOWLANDS, MMVV, BAM, KILOMETROAK entre outros tantos. En outubro, en BOS AIRES, ARXENTINA, e coa gran axuda do "BONDI CAVERNICOLA", RADIO ROTOS, A CANDEA RUMBA SAMPLER, A VECINDA e mais amigos, a banda forma parte do proxecto mais emotivo da súa historia: "A RUMBA COLIPARTY", a total beneficio de LT22 RADIO A COLIFATA. A festa foi un éxito. Á volta, en decembro, a banda é invitada por GOGOL BORDELLO a participar teloneando a súa xira por ESPANHA. Tres concertos inesquecibles que forman unha gran amizade entre os dous grupos.
2008 péchase coa conta de 121 concertos.
O ano 2009 comeza coa continuación do novo disco, "TUDO É POSSIBLE"outra vez con GAMBEAT ao mando no rol de productor. O disco espérase para outubro 2009. Á súa vez se esta realizando un novo documental coa xente de MURMULLOS (SUECIA). En xaneiro, despues de 6 anos de traballo continuo, MARCELO deixa a banda. A reaccion é rapida. Vira de 10 bolos por AUSTRIA, ALEMANIA, CROACIA, HUNGRIA, e REPUBLICA CHECA co señor ÁNTRAX (DISCÍPULOS DE OTILIA)á bateria. A xira é un éxito total!

máis info: http://www.chesudaka.com/castellano/

Se podería sinalar o 30 de outubro de 2003 como o día do nacimento de Eh Txo!! como grupo. Ese día, e con apenas dúas semanas de ensaio, actuaron por primeira vez e baixo ese nome xunto a outros grupos dentro do proxecto Mursicos (Record Guinnes como o concerto interrumpido de máis duración). Dende entón,  Eh Txo!! o componhen, Kike á batería, Rubén á batería e Edu ao baixo.

En 2004 autoeditan o seu primeir CD:  "...de mal en peor..." con una tirada de 500 copias  as que se distribúen por Murcia e Vega Baja.

En xaneiro de 2007 graban "desengañate" que sae en maio, e o editan en colaboración coa distri Sentimientos kontra el poder.

máis info: http://webs.ono.com/ehtxo/index2.htm

Dende Nou Barris (Barcelona), chega este colectivo que convirte a súa actuación de estilo Electrónica - Tecno nun delirante espectáculo que interactúa co público.

máis info: www.myspace.com/proyectoluisbo

Nacidos en Marghera, e despois do seu primeiro traballo no 2004 "Tutti Assolti", Talco é considerado a banda italiana de ska-punk máis conhecida e consolidada no territorio europeu. O seu último traballo, "Mazel Tov", xa en reedición despois de pouco máis da súa saída ao mercado, colleitou un éxito maior que o do seu xa reconhecido álbum precedente "Combat Circus", que saiu ao mercado no 2006 e foi recibido positivamente en Europa e Sudamérica.

Con un currículum musical respetábel, cheo de colaboracións importantes con etiquetas discográficas e axencias de booking e promoción de toda Europa, Talco tocan regularmente en numerosos países, donde consiguen "sold-out" en os máis variados locais de Alemanha, Espanha, Italia, Austria, Suiza, Croacia, Serbia, etc.

Talco comeza como banda de ska-punk, e co paso do tempo consolidan un estilo propio que mezcla os ritmos patchanka típicos de Mano Negra co punk ou o ska, a inclinación pola música balcánica e kletzmer, e que ten sempre presente aos cantautores italianos, patrimonio importantísimo para a banda, sobretodo polo que concerne ás letras.

Talco é unha banda combat ska-punk antifascista e antiracista, que cree na independencia da música e na mensaxe que ésta debe transmitir en contra de calquera discriminación.

máis info: http://www.myspace.com/talcopatchanka