Arquivos de Abril, 2008

Som do Galpom no Millo Verde 2008

30 de Abril 30e 2008 @ 8:10 pm · Do tema II Millo Verde

 

Seguimos a dar a conhecer a composición do cartaz da segunda edición do festival alternativo Millo Verde - Rock’on’dela. Dende A Moninha, o sábado poderemos disfrutar da banda de rap/funk Som do Galpom.som do galpom

Acercan de Som do Galpom
Som do Galpom nace en Decembro de 2005 nunha aldea (A Moniña) perto de Compostela. A verdade é que todos os integrantes do grupo traíamos múltiples e variadas propostas do tipo de música que queríamos facer. Sem embargo, todos coincidíamos en apostar por unha formación innovadora e orixinal que se apoiase nas raíces de tres estilos de música diferentes que, ao mesmo tempo, semellaban moi parellos como son: o funky, o reagge e o rap. De fondo, sentíase o latexo dunha idea que consistía en apoiar toda a nosa música sobre bases totalmente instrumentais. É dicir, pretendíamos dar un paso maís no panorama musical que vivimos neste S.XXI (era das máquinas) deixando de lado as produccións electrónicas.
No proxecto é importante a música pero, no noso caso, se lle dá moita importáncia á mensaxe, a todo aquelo que queremos e precisamos transmitir. Neste punto tamén houbo unha clara decisión e era que o noso idioma sería o Galego, a nosa lingua nai.
A partir destas premisas: por unha banda, a fusión do funky, do reagge e do rap e pola outra banda o xeito de facelo todo “a man” (con instrumentos) xurde o noso estilo própio con poucos precedentes. Dende este momento foron madurando composicións musicais e letras mentres nos medrabamos como musicos e persoas.
A primeira actuación tivo lugar en Xuño do 2006 e a resposta do público foi incríble polo que non puidemos deixar de ensaiar e tocar tentando incorporar canto antes maís temas ao noso repertório; entón comezou a viaxe que nos levou, a lo menos, por 30 concertos en Galiza chegando a lugares descoñecidos e, grazas a xente, gratificantes. A andanza descansou en Xaneiro de 2007, momento que adicamos á gravación do noso primeiro traballo con seis temas no seu interior.
Para este ano 2007 traemos algunhas variacións instrumentais que lle darán ao grupo unha maior preséncia e contundéncia musical enriba do escenário. Atopámonos cargados de enerxía e ganas de seguir tocando onde se preste para gozar ca música e ca xente. Polo demais o maís importante para nós é “chegarlle” ao público e tentar: que lles guste, que bailen, que escoiten, que canten, …; en fin, que disfruten da festa do Galpom!
Os proxectos de futuro son moitos ainda que coido que poderían ser resumidos en poucas palabras: dar concertos, ensaiar, facer novos temas e gravar o que será o noso segundo traballo.
Hai vai un pouco da nosa breve pero intensa experiencia abordo do barco das ilusións… Un saúdo do Som do Galpom, dende A Moniña… Pois como non!!!

Comentarios (1)

TIRO NA TESTA no Millo Verde 2008

29 de Abril 29e 2008 @ 12:51 am · Do tema II Millo Verde

Continuamos dando a conhecer a composición do cartel da segunda edición do festival Alternativo Millo Verde 2008. Desta tócalhe o turno a un grupo que xa formou parte do cartel da primeira edición, se ben tivo que suspender a súa actuación por motivo dunha inoportuna rotura de escafoides de última hora, sendo sustituidos pos Motor Perkins, banda á que pertencen varios dos seus membros. Dende Lalín teremos a presencia do grupo de punk/rock Tiro na testa.

tiro na testa

Acerca de Tiro Na Testa.
Pois ao principio eramos dous, pero tiñamos un Amiga que non era unha rapaza, senón un computador. E despois fomos tres pero soamente por dous días para voltar a ser dous, pronto apareceu un terceiro que non apareceu e desapareceu o seu teléfono. Pero acabamos de novo sendo tres, e por un tempo relativamente longo, para quedarmos de novo os dous que eramos ao principio cando nada mis que eramos dous e non tres. Ao pouco xa conseguimos de novo un terceiro, entón xa fomos tres outra vez por un tempo, e incluso chegamos a ser catro pero moi pouco, polo que realmente fomos tres, ata que un dos primeiros, de cando eramos dous pois xa non era ou , polo que, e por curto periodo estivemos de novo sendo dous pero non os mesmos que a outra vez. Enseguida de novo voltamos a ser tres e aquí está a nosa biografía.

Comentarios

Gañador do Concurso de Maquetas MV08: La Vaga Banda

26 de Abril 26e 2008 @ 5:03 pm · Do tema Concurso de maquetas, II Millo Verde

O grupo de ska-reggae La Vaga Banda, integrado por musicos de Redondela e Vigo, proclamouse gañador do Concurso de Maquetas Millo Verde 2008 na final que disputouse o pasado venres 25 de abril na discoteca La Fábrica de Redonela. A decisión foi tomada mediante votación entre as aproximadamente duascentas persoas que asistiron á festa-concerto. Na mesma participaron, ademáis dos gañadores, os grupos NOT, metal-hardcore de Vigo, e Indana, rock alternativo-metal,de Santiago de Compostela, que puxeron ben alto o nivel do concurso.

la vaga banda

O concerto iniciouse coa actuación da banda redondelana Marxe Eskerda, grupo convidado, quenes lograron quecer o ambiente dende os primeiros acordes. De seguro que nas vindeiras edicións do Concurso de Maquetas convertiranse nun grupo a considerar.

Dende o colectivo Millo Verde queremos agradecer o comportamento e a paciencia dos catro grupos participantes, a colaboración de toda as persoas implicadas na celebración da festa-concerto e a asistencia de todas e todos as que acudístedes. Moitas gracias a todas.

Deste xeito comezamos a dar a coñecer a composción do cartel do II Festival Alternativo Millo Verde Rock’on’dela, xa que La vaga Banda obtivo, como gañador do concurso de maquetas, a súa praza.

Nos vindeiros días iremos dando a coñecer o resto de bandas, así que permañacede atentos…

Acerca de La Vaga Banda
Biografía autorizada de: La Vaga Banda

La Vaga Banda comezou a súa historia alá polo ano 2005, cando nos atopamos pola cidade Vigo, Juan (Baixo e Voz), Víctor (Guitarra e Voz), Fran (Batería) e Nacho (Guitarra). De diferentes lugares aterramos algúns, mentres que outros non sabían moi ben onde aterrar, pero o que se sabiamos era que queriamos facer música, e a iso dedicámonos. (Ao noso ritmo…)
Logo de facer moito ruído (con dous pares de noces) e gravar dúas maquetas que reflicten o que pasaba por esa época, La Vaga Banda foi reorganizando a súa formación, sumando mais persoas á gran familia.
No 2007 apareceu Miriam (Batería, frautas, gaitas, etc.), despois Vila (Trompeta), uns días mais tarde Nico (Saxo), por aí atopamos ao Peludo (Guitarra), mais os que xa estabamos.
Neste momento xa estamos iniciando esta nova reagrupación e temos a idea de seguir facendo o que nos gusta.
Poderiamos dicir as influencias ou o estilo, pero xa sabemos que todo iso son etiquetas que che obrigan a pór, para clasificar algo que non ten palabras. Gústannos moitos grupos e músicas e esta claro que todo inflúenos.
Actualmente temos varios proxectos: primeiro unha churrascada das boas, despois gravar todas as cancións con esta nova formación e logo como estamos facendo, tocar onde nos deixen.
Mandamos saúdos a todos os vagos dispersos polo mundo e como esta vida ten movemento, imos movernos con ela.
…”La vaga banda soando sempre en estereo”…

Comentarios

Camisetas Millo Verde 2008

19 de Abril 19e 2008 @ 6:11 pm · Do tema II Millo Verde

http://img507.imageshack.us/img507/66/camisetadj0.jpg

Xa temos listas as camisetas do Millo Verde 2008 Rock’on’dela.  Se queredes unha non tedes máis que falar con calquera dos membros do colectivo, ou mercala por aí (irémola deixando durante os vindeiros días nos sitos habituais), ou asistir o vindeiro venres 25 á final do concurso de maquetas. Se estades moi lonxe tamén podedes escribirnos a asociacionmilloverde(a)gmail.com, e xa veremos como vola facemos chegar. Por certo, que o prezo é de 10 eurinhos de nada, que van totalmenete destinados á financiación do festival, e que temos dodas as talhas que se vos poidan imaxinar.

Comentarios

Final do Concurso de Maquetas

6 de Abril 06e 2008 @ 6:43 pm · Do tema Concurso de maquetas

Xa podemos anunciar que a final do corcurso de maquetas celebrarase o día 25 na discoteca la Fábrica de Redondela. Ademáis dos tres finalistas: Indana, N.O.T. e La Vaga Banda contaremos coa participación como grupo invitado e fora de concurso do grupo resondelán Marxe Eskerda. A hora de inicio será as 22:00 h. Agardamos vervos a todos alí.

Comentarios (1)

Finalistas do concurso de maquetas

2 de Abril 02e 2008 @ 12:08 am · Do tema Concurso de maquetas

Despois de sesudas deliberacións xa temos o resultado das votacións. Xa temos seleccionados os tres finalistas do Concurso de Maquetas Millo Verde 2008. Aí van por orde alfabética:

Indana

Rock / Alternativa / Metal - Santiago de Compostela

N.O.T.

Metal / Hardcore - Vigo

La Vaga Banda

Ska / Punk / Reggae - Vigo / Redondela

Volvemos a mostrar todo o noso agradecemento a todos os grupos participantes e o recoñecemento que se merecen os seus traballos. Durante esta semana irémonos pondo en contacto cos grupos seleccionados para ir preparando a festa-final que en principio celebrarase o día 25 de abril. Agardamos vervos a tod@s alí.

Comentarios (9)